Россиялик мусулмонлар «кўчма» масжид — стационар масжид бўлмаган жойда намоз ўқиш имконини берувчи автомобиль учун 850 минг рубль хайрия пули тўплади, дея хабар бермоқда ТАСС. Лойиҳага HalalGuide россиялик мусулмонлар навигатори жамоаси ташаббускорлик қилди.
Ҳозирча масжид-автомобилни Қозон кўчалари бўйлаб ишга туширишга ҳозирлик кўришмоқда, лойиҳа яратувчилари эса у Москвада ҳам жорий этилиши учун пойтахт ҳукумати билан музокаралар олиб бормоқда.
Ғилдиракли масжид ичида таҳоратхона, кичик ибодат зали, шунингдек ҳалол таомлар тортиладиган қаҳвахона бўлади. Масжид хизматларидан бепул фойдаланиш мумкин бўлади: сайтда ариза қолдириш кифоя, шунда масжид кўрсатилган жойга етиб келади.
Изоҳ (0)