27-29 март кунлари Россия пойтахти Москва шаҳридаги «Дўстлик» аренасида спорт ва жанговор самбо бўйича Жаҳон Кубоги бўлиб ўтди, деб хабар беради «Olamsport.com».
Дунёнинг кўзга кўринган самбочилари икки йўналишда жами 27 та медаллар жамланмаси учун гиламга чиқди. Спорт, жанговор ва аёллар самбосида спортчилар 9 тадан медаллар жамланмаси учун ўзаро баҳслашди.
Улар орасида Равшан Аҳмаджонов бошчлигидаги Ўзбекистон терма жамоаси аъзолари ҳам совринли ўринлар учун баҳсларда иштирок этди. Ўзбекистон вакиллари олтин медални қўлга кирита олмаган бўлса-да, Ўзбекистонга кумуш ва бронза медаллар билан қайтди.
Ўзбекистонлик самбочилар 3 та кумуш ва 2 та бронза медалига эга бўлди. Кумуш медалларни жанговор самбо баҳсларининг 52 килограмм вазн тоифасида Раҳматжон Аҳмедов, шунингдек, 74 килограмм вазнда Мақсад Тошмуродов ва 62 килограмм вазн тоифасида Шерзодбек Расулов тақдим этди.
68 килограмм вазнда гиламга чиққан Сарбон Эрназаров ва жанговор самбонинг 100 килограмм вазндаги полвонлари беллашувида қатнашган Исломжон Азимов бронза медалига сазовор бўлди.
Кутилганидек, ушбу спорт тури ватани ҳисобланган Россия терма жамоаси умумжамоа ҳисобида биринчи ўринни эгаллади. Мезбонлар 27 та олтин медалдан 15 тасини қўлга киритди.
Изоҳ (0)