«Реал» мухлислари дунёнинг энг қиммат футболчиси машинасига ҳужум қилди

Мадриднинг «Реал» клуби мухлислари «қироллик клуби» ярим ҳимоячиси Гарет Бэйл машинасига ҳужум қилди, дея хабар бермоқда Испаниянинг АS нашри.

Ҳодиса мадридликлар «Эль Класико»да — Каталониянинг «Барселона»сига қарши ўйинда мағлуб бўлгач, юз берди. Бейл стадионни тарк этаётган маҳал «Реал» ишқибозлари гуруҳи футболчининг Bentley’сига яқинлашиб, уни тўхтатмоқчи бўлди, бироқ ўйинчи жўнаб кетишга муваффақ бўлди.

Шундан сўнг мухлислар «Реал»нинг бошқа футболчиси — ҳужумчи Хесенинг машинасини тўхтатди. Форвард ён ойнасини тушириб, ишқибозлар билан гаплашди, сўнг у ҳам уйига жўнаб кетди.

«Қироллик клуби» Бейлни Лондоннинг «Тоттенхэм»идан 100 миллион еврога сотиб олган, бу айни пайтда дунёдаги рекорд даражали трансфердир.