27 март куни ўта оғир вазнда WBA (Regular) версияси бўйича жаҳон чемпиони ўзбекистонлик Руслан Чагаев ва австралиялик Лукас Браун вакиллари жанг ҳақида келишиб олиши учун белгиланган муддат тугайди, дея хабар бермоқда «Allboxing.ru». Улар бўлғуси жангни келишиб олмаса, промоутерлик савдолари бошланади.
Браун кураш ўз ватанида бўлишига умид қилмоқда.
«Мен ўта оғир вазнда илк австралиялик жаҳон чемпиони бўлишга тайёрман. Жанг санаси номаълум бўлса-да, мен тайёргарлик кўришни бошладим. Чагаев билан ҳар қандай ҳудудда жон деб учрашаман, бироқ Австралияда бу жанг катта кўламдаги ҳодиса бўлади. Омма мамнуният билан уни нокаут қилаётганимни томоша қилади», — деди Браун.
Эслатиб ўтамиз, февраль охирида WBA ташкилоти Руслан Чагаевга ўз чемпионлик камарини ҳимоя қилиши учун австралиялик Лукас Браун билан жанг ўтказиш мажбуриятини юклаганди. Чагаев Браундан аввал ихтиёрий равишда Пьянета билан жанг ўтказишни мақсад қилган.
Изоҳ (0)