Самарқанд вилоятидаги савдо дўконидан 6 та телевизор ва 11 та тюнер ўғирлаб кетилди

Самарқанд вилояти Каттақўрғон шаҳар ИИБга хусусий тадбиркор ариза билан мурожаат қилди, деб хабар беради Ички ишлар вазирлигининг ахборот хизмати.

Қайд этилишича, номаълум шахслар тадбиркорнинг шаҳар ҳудудида жойлашган савдо дўкони эшигини бузиб кириб, 6 дона телевизор, 11 дона тюнер ва 4 дона DVD плеерни ўғирлаб кетган. Ушбу ҳолат бўйича жиноят иши қўзғатилган.

Ички ишлар ходимлари томонидан олиб борилган тезкор чора-тадбирлар натижасида ўғирликни шу шаҳарда яшовчи уч нафар шахс содир этганлиги аниқланди ва улар қўлга олинди. Ҳозирда тергов ҳаракатлари олиб борилмоқда.