Бирлашган Миллатлар Ташкилотининг Нью-Йоркдаги бош қароргоҳида БМТ Бош Ассамблеясининг 69-сессияси расмий ҳужжати сифатида Ўзбекистоннинг 2014 йилдаги ижтимоий-иқтисодий ривожланиши якунлари ва 2015 йил учун иқтисодий дастурнинг муҳим йўналишлари тўғрисидаги ахборот материали тарқатилди, дея хабар бермоқда UzDaily.
Ҳужжатда таъкидланишича, 2014 йилда ялпи ички маҳсулотнинг ўсиши 8,1 фоизни ташкил қилди ва бу инфляция даражасининг 6,1 фоизгача пасайишини, давлат бюджети ялпи ички маҳсулотга нисбатан 0,2 фоиз профицит билан бажарилишини ва ташқи савдо балансидаги ижобий сальдо 180 миллион долларга етишини таъминлаган макроиқтисодий мувазанатлаштириш чоралари билан қўллаб-қувватланди.
Саноат маҳсулотлари ишлаб чиқариш ҳажми 8,3 фоизга, шу жумладан, истеъмол товарлари ишлаб чиқариш ҳажми 9,4 фоизга ошди. Ишлаб чиқаришга жорий этилган инновацион технологиялардан фойдаланган ҳолда ишлаб чиқарилган саноат маҳсулоти ҳажми 2013 йил билан солиштирилганда 3,2 марта ошди.
Аҳоли бандлигини ошириш дастурлари ва истеъмол талабини рағбатлантириш чора-тадбирларининг амалга оширилиши аҳоли жон бошига тўғри келадиган ўртача реал даромадларнинг 10,2 фоизга барқарор ўсишини таъминлашга ёрдам берди, бу чакана товар айланиши ҳажмининг 14,3 фоизга ва аҳолига пулли хизматлар кўрсатишнинг 11,4 фоизга ошишида намоён бўлди.
Изоҳ (0)