НАТО қўшинлари альянсга аъзо давлатлар ҳаво ҳудудига бостириб кирган Россия самолётларини шу йил ҳисобидан 100 дан зиёд марта тутиб қолди. Бу ҳақда НАТО бош котиби Йенс Столтенберг баёнотига таяниб, «Европейская правда» хабар берди.
Столтенбергнинг тан олишича, сўнгги пайтларда бундай ҳужумлар тез-тез содир бўлмоқда.
«Россия самолётларини йил бошидан буён юздан ортиқ марта тутиб қолдик, бу ўтган йилдагидан деярли уч марта кўпдир», — деди у.
Столтенберг ушбу ҳаракатлар Россия томонидан атайлаб уюштирилаётгани ва бундан мақсад ҳарбий имкониятларни намойиш этиш эканлигини таъкидлади.
Изоҳ (0)