Белоруссияда талаба қизни ўлдиргани учун судланган Гомель шаҳри фуқароси Александр Груновга нисбатан ўлим жазоси ижро этилди. Бу ҳақда «Весна» ҳуқуқни муҳофа қилиш маркази хабар бермоқда.
Аввалроқ Груновнинг афв этилиши юзасидан берилган ариза рад этилгани хабар қилинган эди. Унинг иши 13 октябрь куни Гомель вилоят судига келиб тушган ва ўлим жазосидан норози бўлиб шикоят аризаси бериш учун процессуал имкониятлар тугагани ҳақидаги ҳужжат илова қилинган эди.
Маълумотларга кўра, йил бошидан буён Белоруссияда олий жазога ҳукм қилинган уч киши қатл этилган.
Белоруссия Европадаги ҳалигача ўлим жазоси қўлланиладиган ягона давлатдир. ЕИ вакиллари кўп маротаба ушбу жазони бекор қилишни сўраб республика раҳбариятига мурожаат қилган. Бироқ президент Лукашенко ушбу мавзу бўйича изоҳ берар экан, муайян ҳолатларда ўлим жазосига эҳтиёж борлигини таъкидлаган эди.
Изоҳ (0)