Ўзбек эстрадасининг шаддод вакилаларидан ҳисобланган Муниса Ризаева «Афруз» гуруҳи йигитлари билан «Айт нега?» дея номланган дуэт тарона куйлади. Бу ҳақда Popcorn.uz хабар бермоқда.
Мазкур таронани ёзиш истаги «Афруз» гуруҳи йигитлари ва Муниса Ризаева томонидан билдирилган бўлиб, истак ижодкор Элдор Қаюмов томонидан қўшиқ даражасига олиб чиқилган. Тайёр сўз ва мусиқа учун аранжировка Жасур Бадалбоев томонидан тайёрланган.
Дуэт тарона илк бор «Ўзбегим таронаси» радиосида жаранг сочди. Айтиш керак, премьера сифатида тақдим этилган дуэт тарона тингловчиларнинг аъло баҳосига сазовор бўлди. Мухлислар «Афруз» гуруҳи ҳамда Муниса Ризаеванинг ижроси ўзаро мос келганлигини алоҳида таъкидлади.
Маълумотларга кўра, бу дуэт учун тез кунларда клип ҳам суратга олинади. Сюжет йўналишида тасвирга олиниши мўлжалланган видеони тайёрлаш учун айнан қайси клипмейкер билан ҳамкорлик қилиниши борасидаги маълумотлар ҳозирча сир сақланмоқда.
Изоҳ (0)