Колумбиялик қўшиқчи Шакира сўнгги пайтларда ОАВларда тарқалган ҳомиладорлиги тўғрисидаги хабарни тасдиқлади. Поп-юлдуз Мексиканинг Cosmopolitan журналига берган интервьюсида испаниялик футболчи Жерар Пике билан иккинчи фарзандларини кутаётганини айтган.
Қўшиқчининг ҳомиладорлиги тўғрисида дастлаб футбол бўйича жаҳон чемпионати чоғида тахминлар пайдо бўлган эди. Шакира спорт тадбирида сипо ва кенг кийимда қатнашган эди. Бироқ қўшиқчи ҳам, футболчи ҳам бу тахминга ҳеч қандай изоҳ билдирмаган эди.
37 ёшли қўшиқчи ва 27 ёшли футболчининг биринчи фарзанди — Милан Муборак Пике 2013 йил январида туғилган. Жуфтлик расман турмуш қурмаган.
Изоҳ (0)