КХДР ҳукумати Жанубий Кореяга ўзаро ярашиш ва ҳамжиҳатликка йўл очишга қаратилган чора-тадбирлар мажмуини қўллаш таклифини киритди. Бу ҳақда Корея Марказий телеграф агентлигига таяниб, ИТАР-ТАСС хабар берди.
Ҳужжатда айтилишича, Шимол ва Жануб «мақбул ва барча кореяликларнинг манфаатларига жавоб берувчи ватанларни бирлаштириш йўли ҳақида аниқ таклифларни» биргаликда илгари суриши, бу билан «ҳамжиҳатликда гуллаб-яшнаш ва умумий манфаатларга кафолат бериши» керак.
Пхеньян бирлашувни «иккита турли ижтимоий тизим ва мафкура»ни назарда тутувчи федерация тамойиллари асосида амалга ошириш мумкинлигини таъкидлади.
Шу билан бирга, КХДР ҳукумати кореяликларнинг ўзаро муносабатлари жуда паст даражага тушиб қолгани, «эҳтиётсизлик билан айтилган битта гап ёки ҳаракат ҳам Корея ярим оролида хавфли низога олиб келиши» ҳақида огоҳлантирди.
Изоҳ (0)