Хитойнинг Сзянсу провинциясидаги Уси шаҳрида 30 ёшли ҳайдовчи аёл машинаси муюлишда ағдарилиб кетиши натижасида қўлидан айрилди. Бу ҳақда Daily Mail хабар берди.
Гувоҳларнинг сўзларига кўра, аёл шаҳар бўйлаб қўлини ойнадан чиқариб ҳаракатланаётган бўлган. Тўсатдан Линг Ле исмли бу аёлнинг автомобили бурилиш вақтида ағдарилиб кетган. Шу яқин орада турган қутқарувчилар зудлик билан унга ёрдамга келишган. «Машинани ўнглашганида Ле хоним аввал қўли бўлган жойга ваҳима ичида қараб турар эди», — дейишди гувоҳлар.
Аёлни тезда шифохонага жўнатишган, бироқ унинг қўлини сақлаб қолишолмаган. Шифокорлар унинг соғлиғига ҳеч нарса хавф солмаётганини айтишди. Уси шаҳри полицияси фуқароларни машинада ҳаракат чоғида «ойнадан қўлларини чиқармасликка, иложи бўлса, уларни рулдан олмасликка» чақирди.
Изоҳ (0)