Миср суди «Мусулмон биродарлар» уюшмаси етакчиси Муҳаммад Бадиани бир умрлик қамоқ жазосига ҳукм қилди. Бу ҳақда давлат телевидениесига асосланиб, ИТАР-ТАСС хабар берди.
Аввалроқ Миср жиноят суди 180 дан ошиқ ақидапарастлар, жумладан Муҳаммад Бадиани ўлимга маҳкум этгани хабар берилган эди.
Эслатиб ўтамиз, «Мусулмон биродарлар» ҳаракати кўмагида ҳокимият тепасига келган президент Муҳаммад Мурсий, унинг сиёсатига қарши акциялардан сўнг 2013 йилнинг июль ойи бошида Миср ҳарбийлари томонидан амалидан олиб ташланган эди. Мурсий ва «Мусулмон биродарлар» аъзолари эса қамоққа олинган эди. Мурсийнинг тарафдорлари унинг ҳокимиятга қайтарилишини талаб қила бошлади.
14 августда собиқ президент тарафдорлари лагерларининг ҳарбийлар томонидан тарқатиб юборилиши чоғида бир неча юз киши ҳалок бўлган ва мамлакатда фавқулодда ҳолат эълон қилинган эди. Сентябрь охирида эса Мисрда «Мусулмон биродарлар» ҳаракати фаолияти расман тақиқланди. 25 декабрь куни эса Миср вазирлар маҳкамаси «Мусулмон биродарлар»ни расман террористик ташкилот деб эълон қилди.
Изоҳ (0)