АҚШ Миллий хавфсизлик агентлигида Эдвард Сноуден изидан бораётган яна бир ходим пайдо бўлди. Германия телевидениеси XKeyscore махфий дастури қандай ишлаши ҳақида репортаж узатганидан кейин баъзи мутахассислар шундай хулосага келишди. Бу ҳақда «Новый век» хабар берди.
Ушбу дастур ёрдамида МХА Tor аноним тармоғи фойдаланувчиларини кузатади. «Сояли Интернет» деб аталадиган ушбу тармоқдан кўпгина ҳуқуқ ҳимоячилари ва диндан қайтганлар фойдаланади ва шу йўл билан ҳукумат кузатувидан қочади. Шу сабабли бу тармоқ Америка махсус хизматлари учун нишон бўлиб турмоқда.
XKeyscore кодининг бир қисми фош қилинган бўлиб, канадалик ёзувчи ва журналист Кори Доктороунинг фикрича, у МХА ходимларидан бирининг ёрдами билан журналистлар қўлига тушган. Таъкидланишича, Эдвард Сноуденнинг бунга алоқаси йўқ. У тақдим этган ҳужжатларда бундай маълумот бўлмаган.
МХАда навбатдаги фош қилувчи одам пайдо бўлгани ҳақиқат бўлса, у Америка махсус хизматлари бошига катта муаммолар келтириши таъкидланмоқда.
Изоҳ (0)