Ўзбекистон Республикаси Президенти Ислом Каримов таклифига биноан 2014 йил 16—18 июнь кунлари Корея Республикаси Президенти Пак Кин Хе илк давлат ташрифи билан мамлакатимизда бўлади, деб хабар беради ЎзА.
Олий даражадаги учрашув ва музокаралар чоғида Ўзбекистон ва Жанубий Корея ўртасидаги кўпқиррали ҳамкорликнинг бугунги ҳолати ҳамда уни янада кенгайтиришнинг узоқ истиқболга мўлжалланган устувор йўналишлари, минтақавий ва халқаро аҳамиятга молик долзарб масалалар муҳокама қилинади.
Учрашув мобайнида Ўзбекистон ва Жанубий Корея ўртасидаги Стратегик шерикликни янада ривожлантириш ва чуқурлаштириш ҳақидаги қўшма декларация қабул қилиниши, турли соҳалардаги ўзаро ҳамкорликни янада ривожлантириш учун мустаҳкам асос бўладиган қатор ҳужжатлар имзоланиши режалаштирилган.
Изоҳ (0)