Ўзбекистон иқтисодиёти 2014 йилда 7 фоизга ўсади. Бу ҳақда Жаҳон банкининг 10 июнь куни эълон қилинган «Глобал иқтисодий истиқболлар» ҳисоботида сўз боради. Бу ҳақда Kun.uz хабар берди.
UzDaily’нинг қайд этишича, 2014 йил январида ҳам Жаҳон банки Ўзбекистон ялпи ички маҳсулоти (ЯИМ) ҳажми йил давомида 7 фоизга ўсишини прогноз қилганди. Жаҳон банки мутахассисларининг прогнозларига кўра, Ўзбекистон иқтисодиёти 2015 йили 6,7 фоизга, 2016 йили ҳам 6,7 фоизга ўсади. Январь прогнозлари билан таққослаганда, Жаҳон банки экспертлари фикрида ўзгариш бўлмаган.
Жаҳон банкининг қайд этишича, газ экспорти Ўзбекистон иқтисодиёти ўсишини таъминлаб беради. Бироқ пахта ва олтин нархининг пастлиги, шунингдек, асосий экспорт бозорлари (хусусан, Россия, Туркия, Украина ва Хитой)даги иқтисодий вазиятнинг яхши эмаслиги сўнгги 10 йилдаги каби йилига 8 фоизлик иқтисодий ўсиш кўрсаткичларини сақлаб қолишга халал беради.
Жаҳон банкининг қайд этишича, 201- йилда Ўзбекистон экспорти 3,9 фоизга ўсади. Экспорт ҳажми 2015-ва 2016 йилларда 4,5 фоизга ўсиши тахмин қилинмоқда. Банк прогнозларига кўра, Ўзбекистон импорти 2014 йилда 9,5 фоизни, 2015 йилда 7,9 фоизни ва 2016 йилда 6,2 фоизни ташкил этади.
Маълумот учун, Ўзбекистон ҳукумати прогнозларига кўра, 2014 йилда мамлакат иқтисодий ўсиши суръатлари 8,1 фоиз бўлиши кутилмоқда. Апрель ойида Осиё Тараққиёт банки Ўзбекистонда ЯИМ 2014 йилда 8 фоизга ўсишини тахмин қилганди.
Изоҳ (0)