Ўзбекистон Республикаси Вазирлар Маҳкамаси ҳузуридаги «Ўзархив» агентлиги томонидан Миллий матбуот марказида Ўзбекистон Республикаси Миллий архив фондининг нодавлат қисмини ривожлантиришга бағишланган матбуот анжумани ўтказилди, деб хабар беради ЎзА.
Миллий архив фонди давлат ва нодавлат қисмлардан таркиб топган бўлиб, нодавлат ташкилотлар, муассасалар ва корхоналар фаолияти тўғрисидаги ҳужжатлар, шунингдек, жисмоний шахсларнинг шахсий архив ҳужжатлари фонднинг нодавлат қисмини ташкил этади.
Ҳозирги кунда юртимизда фаолият кўрсатаётган еттита архивда нодавлат ташкилотлари, муассасалари ва корхоналарнинг ҳужжатлари сақланмоқда.
Ўзбекистон Республикаси Вазирлар Маҳкамасининг 1999 йил 30 октябрда қабул қилинган «Архив иши бўйича ме’ёрий ҳужжатларни тасдиқлаш тўғрисида»ги қарорига мувофиқ, жисмоний ва юридик шахслар ўз ҳужжатларини сақлаш учун кутубхоналар, музей ва давлат архивларига топшириши мумкин.
Изоҳ (0)