Тошкент шаҳрида Беруний ва Чиғатой Дарвоза кўчалари кесишмасидан Хуршид ва Баҳор кўчалари чорраҳасигача янги айланма йўл қурилиши бошланди. Бу ҳақда Тошкент шаҳар ҳокимияти қошидаги Ободончилик бош бошқармаси хабарига таяниб, Uz24.uz маълум қилди.
5 километр узунликдаги янги йўл Шайхонтоҳур ва Олмазор туманлари ҳудудидан ўтади. У уч полосали бўлиб, симсиз ва электрни тежайдиган технологияларга асосланган замонавий ёритиш тизими билан таъминланади.
Йўл қурилиши билан «Ўзавтойўл» Давлат акциядорлик компанияси шуғулланмоқда. Айни пайтда янги йўлда асфальт ётқизиш ва сим ўтказиш ишлари бормоқда. Қурилиш сентябрь ойигача тугалланиши режалаштирилмоқда.
Изоҳ (0)