Suriya prezidenti Ahmad ash-Shara’aga nisbatan so‘nggi yetti oy ichida uyushtirilgan uchta suiqasdning oldi olindi. Hujumlardan kamida bittasi Turkiya xavfsizlik kuchlarining bevosita aralashuvi tufayli bartaraf etilgan. Bu haqda Yedioth Ahronoth nashrining maxsus reportajida ma’lum qilindi.
Ma’lumotlarga ko‘ra, Shara’aga qarshi birinchi suiqasd mart oyida poytaxt Damashqdagi Qasr ash-Shaab saroyidan chiqish paytida sodir etilgan. Shubhali harakatlarni sezgan Turkiya xavfsizlik kuchlari darhol aralashib, hujumchini zararsizlantirgan. Jinoyatchi hibsga olinib, so‘roq qilingan. Voqea prezidentning iltimosiga binoan sir tutilgan.
Ikkinchi hujum urinishi Iordaniya chegarasidagi Dara’a viloyatida yuz bergan. Suriya va Turkiya xavfsizlik kuchlari Ash-Shara’a karvonining ushbu hududga tashrifi paytida yo‘lda ikki shubhali shaxsni qo‘lga olgan. Chalg‘ituvchi harakat tufayli hujumning oldi olingan. Ushbu hodisa ham jamoatchilikka e’lon qilinmay yopilgan.
Uchinchi va eng jiddiy suiqasd rejasi Damashqdagi muayyan yo‘nalishda qurolli pistirma qo‘yishni o‘z ichiga olgan. So‘nggi daqiqada Turkiya va mahalliy razvedka tomonidan aniqlangan hujum amalga oshirilishidan oldin to‘xtatilgan. Bu voqeadan ko‘p o‘tmay Ash-Shara’aning Damashqdan to‘satdan chiqib ketishi e’tiborni tortgan.
Bundan avval Isroil milliy xavfsizlik vaziri Itamar Ben-Gvir Suriya prezidenti Ahmad ash-Shara’ni o‘ldirishga chaqirgandi.
Izoh (0)