Hindistonning G‘oziobod shahrida choy qaynatish ustida kelib chiqqan janjal sabab erkak o‘z xotinini o‘ldirdi. Bu haqda India Today xabar berdi.
Ma’lum qilinishicha, hodisa 19-dekabr kuni sodir bo‘lgan, ayol ertalab soat 6 da uyg‘ongan va har kuni bo‘lgani kabi choy tayyorlay boshlagan. Er bir necha daqiqadan so‘ng uyg‘onib, choy qachon tayyor bo‘lishini so‘ragan.
“Xotini yana 10 daqiqadan keyin choy tayyor bo‘lishini aytganida uning jahli chiqib, idishlarni uloqtirib yuborgan”, — deydi politsiyadagi manba.
Er-xotin o‘rtasida janjal avj olgan va erkak uyda saqlanayotgan shpaga (qilichga o‘xshash qurol) bilan xotinining bo‘yniga 3-4 marta urgan. Keyin esa voqea joyidan qochib ketgan. Qotillik haqida ma’lumot olgan politsiya voqea joyiga yetib kelgan va jasadni morgga jo‘natgan. Keyinchalik ayolning o‘g‘li tomonidan berilgan shikoyat asosida jinoiy ish qo‘zg‘atilgan, shundan so‘ng erkak hibsga olingan.
“Bizga 19-dekabr kuni ertalab soat 08:00 larda 50 yoshli ayol o‘ldirilgani haqida xabar keldi. Ayblanuvchi ayolga uyda saqlanayotgan o‘tkir qurol bilan hujum qilgan. Ayolning o‘g‘li shikoyati asosida holat yuzasidan tegishli bo‘limlar bo‘yicha ish qo‘zg‘atilgan va erkak keyingi sud jarayonlarigacha hibsga olingan”, — deydi politsiyaning yuqori lavozimli amaldori.
Izoh (0)