Жиноят ишлари бўйича Бектемир туман суди томонидан ичкилик оқибатида шеригини ўлдирган эркакка суд ҳукми ўқилди.
Маълум бўлишича, жорий йилнинг 12 июнь куни Бектемир туманида жойлашган Food City бозорида юк ташувчи бўлиб ишлаган Ниёзбек шериги Б.нинг таклифига биноан иш вақтида биргаликда спиртли ичимлик ичган. Ишни тугатгач Б. бирга ўтириш таклифини билдириб, кетиб қолмаса уйига бориб қайтишда йўл-йўлакай ўзи билан пиво олиб келишини айтган. Шунга асосан бозор ҳудудида кўришишга келишган.
Келишувга асосан Б. пивони олиб келгач ичиб ўтиришганида ўрталарида зиддият юзага келиб, ўзаро жанжаллашишган. Шунда Ниёзбек шеригининг ҳақоратли сўзларидан қаттиқ ғазабланиб, Б.ни чироқ тушмайдиган жойга ортидан етаклаб, расталардан олган ошхона пичоғи билан бўйин чап томон соҳасига кучли зарба бериб, оғир тан жароҳати етказган. Етказилган тан жароҳати натижасида Б. ҳодиса жойида вафот этган.
Суд ҳукми билан айбланувчи Жиноят кодексининг 97-моддаси 2-қисмининг “в” бандида назарда тутилган жиноятни содир этганликда айбли деб топилиб, унга нисбатан 15 йил озодликдан маҳрум қилиш жазоси тайинланди.
Тошкент вилоятининг Янгийўл туманида бир оиланинг 5 нафар аъзосини ўлдириб, уйини ёқиб юборган эркак умрбодга қамалгани, Қашқадарёда хотинини келинлари, ўғли ва набираларининг ёнида ёқиб юборган эркакка эса 19 йил муддатга озодликдан маҳрум қилиш жазоси тайинлангани хабар қилинганди.
Изоҳ (0)