Toshkent havosining iflosligi bo‘yicha dunyoda 3-o‘rinni egalladi

Toshkent havoning ifloslanish darajasi bo‘yicha 22-fevralda dunyoning yirik shaharlari orasida 3-o‘rinni egalladi. 

IQAir portaliga ko‘ra, soat 10:00 atrofida Toshkent havosida mayda PM2,5 dispers zarralarining konsentratsiyasi 108 mkg/m3 ni tashkil etgan – bu “zararli” tasnifdagi ko‘rsatkich hisoblanadi.

Reytingda 1-o‘rinni Hindistonning Dehli shahri egallagan — PM2,5 dispers zarralarining konsentratsiyasi 130,5 mkg/m3. Pokistonning Lahor shahri 2-pog‘onada — 112,5 mkg/m3. Reytingdagi o‘ntalikdan, shuningdek, Karachi (Pokiston), Dakka (Bangladesh), Bag‘dod (Iroq), Doha (Qatar), Yangon (Myanma), Mumbay (Hindiston), Milan (Italiya) egallagan. 

Jahon sog‘liqni saqlash tashkilotiga ko‘ra, havo ifloslanishi ko‘rsatkichlari orasida salomatlik uchun eng katta xavf tug‘diradigani aynan PM2,5 dispers zarralaridir.

Kecha, 21-fevral kuni Toshkent havosining iflosligi bo‘yicha dunyoda 1-o‘ringa chiqqandi.