Toshkent havoning ifloslanish darajasi bo‘yicha 15-martda dunyoning yirik shaharlari orasida 1-o‘ringa chiqdi.
IQAir portaliga ko‘ra, soat 10:00 atrofida Toshkent havosida mayda PM2,5 dispers zarralarining konsentratsiyasi 224 mkg/m3 ni tashkil etgan – bu JSST tomonidan tavsiya etilgan o‘rtacha havo sifati ko‘rsatkichidan 44,8 barobarga ko‘p. Hozirda poytaxt havosi sifati “juda zararli” tasnifi turibdi.
Reytingda 2-o‘rinni Tailandning Chinag-May shahri egallagan — PM2,5 dispers zarralarining konsentratsiyasi 176 mkg/m3. Xitoyning Pekin shahri 3-pog‘onada — 103 mkg/m3. Reytingdagi o‘ntalikdan, shuningdek, Katmandu (Nepal), Xanchjou (Xitoy), Dakka (Bangladesh), Xanoy (Vyetnam), Yangon (Myanma), Kalkutta (Hindiston), Bag‘dod (Iroq) egallagan.
Jahon sog‘liqni saqlash tashkilotiga ko‘ra, havo ifloslanishi ko‘rsatkichlari orasida salomatlik uchun eng katta xavf tug‘diradigani aynan PM2,5 dispers zarralaridir.
Eslatib o‘tamiz, 21-fevral kuni soat 08:30 holatiga ko‘ra, Toshkent havosi dunyoning yirik shaharlari orasida ifloslanish reytingida 1-o‘rinni egallagandi. Sanepidqo‘mita changli havoda qilish kerak bo‘lgan qator tavsiyalar bergan. Ekologiya, atrof-muhitni muhofaza qilish va iqlim o‘zgarishi vazirligi O‘zbekistonning geografik va iqlimiy xususiyatlaridan kelib chiqqan holda Jahon sog‘liqni saqlash tashkiloti ko‘rsatmalariga erishish qiyinligini ma’lum qilgandi. Vazirlik Sog‘liqni saqlash vazirligi bilan hamkorlikda O‘zbekistonda atmosfera havosi sifati monitoringi bo‘yicha milliy platforma va mobil ilovani ishlab chiqishga qaratilgan loyihani amalga oshirmoqda.
Izoh (1)
Bunday ifloslanish sabablaridan biri knostruksiya qumlarining yerga to'kilib shamolda chang bo'lib uchishi hisoblanadi.
Bu esa allergik va immuniteti past shaxslar, balki sog'lom kishilar uchun ham juda katta zararliklarni keltiradi, bunday sharoitda 100% tibbiy niqob taqish lozim