Toshkent havosining iflosligi bo‘yicha dunyoda 1-o‘ringa chiqdi

Toshkent havoning ifloslanish darajasi bo‘yicha 21-fevralda dunyoning yirik shaharlari orasida 1-o‘ringa chiqdi.

IQAir portaliga ko‘ra, soat 08:30 atrofida Toshkent havosida mayda PM2,5 dispers zarralarining konsentratsiyasi 196 mkg/m3 ni tashkil etgan – bu “zararli” tasnifdagi ko‘rsatkich hisoblanadi.

Reytingda 2-o‘rinni Pokistonning Lahor shahri egallagan — PM2,5 dispers zarralarining konsentratsiyasi 175 mkg/m3. Hindistonning Dehli shahri 3-pog‘onada — 165 mkg/m3. Reytingdagi o‘ntalikdan, shuningdek, Dakka (Bangladesh), Yangon (Myanma), Katmandu (Nepal), Xanoy (Vyetnam), Jakarta (Indoneziya), Milan (Italiya), Kalkutta (Hindiston) egallagan.  

Jahon sog‘liqni saqlash tashkilotiga ko‘ra, havo ifloslanishi ko‘rsatkichlari orasida salomatlik uchun eng katta xavf tug‘diradigani aynan PM2,5 dispers zarralaridir.

Eslatib o‘tamiz, 22-dekabr kuni soat 09:00 holatiga ko‘ra, Toshkent havosi dunyoning yirik shaharlari orasida ifloslanish reytingida 4-o‘rinni egallagandi. Sanepidqo‘mita changli havoda qilish kerak bo‘lgan qator tavsiyalar bergan.