Toshkent shahrida 7 bola uydagi hovuzda cho‘kib, ikki nafari halok bo‘ldi. Bu haqda “Millar” dasturida xabar berildi.
Respublika shoshilinch tez tibbiy ilmiy markazining bolalar shifokorlari bergan ma’lumotga ko‘ra, uydagi hovuzda cho‘kib ketgan 7 nafar bola og‘ir holatlarda olib kelingan. Shundan 2 nafari kelguncha nobud bo‘lgan. Qolgan 5 nafari jonlantirish bo‘limiga yotqizildi.
Besh boladan uch nafari o‘ziga kelib bo‘limga o‘tkazilgan. Hozir 2 nafari o‘ta og‘ir ahvolda reanimatsiya bo‘limida koma holatida yotibdi. Bolalardan biriga 40 daqiqa muolaja qilingach, yuragi ura boshlagan.
May oyining oxirlarida Samarqand viloyatining Paxtachi tumanida ikki nafar o‘quvchi hovuzda cho‘kib, vafot etgandi. Farg‘onada uch nafar voyaga yetmagan bola sun’iy suv havzasiga cho‘kib ketgandi. Toshkentning Bo‘rijar kanaliga tushib ketgan qizni qutqargan erkakning o‘zi halok bo‘lgandi.
Andijon viloyatining Oltinko‘l tumanida 8 yoshli ikki bola hovuzda cho‘kib, vafot etgandi.
Izoh (0)