Moskva viloyatidagi Ozarbayjon diasporasi rahbari Elshan Ibragimov Rossiya fuqaroligidan mahrum qilindi. Bu haqda mahalliy “Oxu.az” nashriga uning o‘zi ma’lum qilgan.
Qaror nima bilan bog‘liqligi haqidagi savolga Ibrohimov javob bermagan. Lekin bir necha kundan keyin ona yurti Ozarbayjonga borgach, izoh berishini bildirgan.
“RBK” manbasiga ko‘ra, Ibrohimov 18-iyun kuni “Rossiya Federatsiyasi milliy xavfsizligiga tahdid soluvchi harakatlar” sodir etganlik ayblovi bilan fuqarolikdan mahrum qilingan.
Ibrohimov haqidagi ma’lumot Moskva viloyati jamoatchilik palatasi veb-saytidan ham yo‘qolgan. U Moskva viloyati milliy va madaniy muxtoriyatlari ishlari bo‘yicha maslahat kengashining aʼzosi edi.
Bundan tashqari, 3-iyul kuni ozarbayjonlik nufuzli tadbirkor Vaqif Sulaymonov Moskvada qo‘lga olindi, deb xabar berdi “Kommersant”.
“Kommersant”ning yozishicha, bunga Rossiyada bo‘lish qoidalarining buzilishi sabab bo‘lgan. Sulaymonov Moskvadagi xorijliklarni vaqtincha saqlash markaziga yuborilgan. Ma’lumotlarga ko‘ra, u keyinroq deportatsiya qilinadi.
Oldinroq Moskvada huquq-tartibot organlari xodimlari ozarbayjonlik “qonundagi o‘g‘ri” Vagif Sulaymonovni qo‘lga olgan edi.
Izoh (0)