2025-yilning yanvar—aprel oylarida jami 2 mln 116,9 ming nafar O‘zbekiston fuqarolari turistik maqsadlarda xorijiy davlatlarga safar qilgan. Bu haqda Milliy statistika qo‘mitasi xabar berdi.
Bu ko‘rsatkich o‘tgan yilning mos davri bilan solishtirilganda 404,5 ming nafarga yoki 23,6 foizga oshgan.
Yanvar—aprel oylarida xorijiy davlatlarga safar qilgan O‘zbekiston fuqarolari mamlakatlar bo‘yicha quyidagicha:
- Qirg‘iziston — 899 ming nafar;
- Tojikiston — 388,4 ming nafar;
- Qozog‘iston — 354,9 ming nafar;
- Saudiya Arabistoni — 133,6 ming nafar;
- Rossiya — 93,9 ming nafar;
- Turkiya — 64,2 ming nafar;
- BAA — 58,8 ming nafar;
- Misr — 22,4 ming nafar;
- Tailand — 15,4 ming nafar;
- Vyetnam — 11,4 ming nafar;
- Boshqa davlatlar — 74,6 ming nafar.
2025-yilning yanvar—fevral oylarida jami 1 mln 32 ming nafar O‘zbekiston fuqarolari turistik maqsadlarda chet elga safar qilgani haqida xabar berilgandi. Yanvar—fevral oylarida chet elga borgan O‘zbekiston fuqarolari safar maqsadlari bo‘yicha quyidagicha:
- qarindoshlarni yo‘qlash — 795 461 nafar;
- sayyohlik — 220 771 nafar;
- davolanish — 8 720 nafar;
- o‘qish — 5 191 nafar;
- xizmat yuzasidan — 2 018 nafar.
Tashrifi oshib borayotgan sayyohlar
2024-yilning boshidan turistlar oqimi har oy salmoqli oshib bormoqda. Yevropa ittifoqi davlatlaridan 2024-yilning yanvar oyida 4 601 nafar fuqaro turistik maqsadda O‘zbekistonga tashrif buyurgan. Yanvar-mart oylarida jami 1 mln 519,3 ming nafar chet el fuqarolari turistik maqsadlarda kelgan.
5 oyda esa 2,8 milliondan ortiq chet el fuqarolari turistik maqsadda tashrif buyurgan. Shularning, 10,6 ming nafari AQSHdan kelgan.
6 oyga kelib esa 3,5 milliondan ortiq chet el fuqarolari turistik maqsadda tashrif buyurdi. 1-oktyabrgacha esa jami 5,7 mln nafar keldi.
Iyun oyida prezident Shavkat Mirziyoyev raisligida bo‘lib o‘tayotgan videoselektor yig‘ilishida yoz kunlarida akvapark va basseynlarga talab oshishi tabiiyligi, lekin turistlar uchun “magnit” bo‘ladigan birorta zamonaviy akvapark yo‘qligi qayd etilgan edi. Mutasaddilarga akvapark va basseynlar tashkil etish bo‘yicha loyihalarni ko‘paytirish, ko‘llar bo‘yicha master reja ishlab chiqib, atrofini lotlarga bo‘lib, tadbirkorlarga taklif etish topshirilgan.
Yig‘ilishda O‘zbekistonda o‘tkaziladigan festivallar kalendar rejasini takomillashtirish, chet ellik mashhur ijrochilar konsertini o‘tkazishga talablarni qayta ko‘rib chiqish zarurligi ko‘rsatib o‘tilgan edi.
Izoh (0)