Klublar o‘rtasidagi Jahon chempionati 2-tur uchrashuvlari o‘tkazilmoqda. “F” guruhidan o‘rin olgan bahsda Janubiy Afrikaning “Mamelodi Sandauns” jamoasi Germaniyaning “Borussiya Dortmund”iga qarshi o‘yin o‘tkazdi.
Uchrashuvning 11-daqiqasida JAR klubi hisobni ochdi. 16-daqiqaga kelib dortmundliklar vakili Feliks Nmecha hisobni tenglashtirdi. 34-daqiqaga kelib esa Serxu Girassi “Borussiya”ni hisobda oldinga olib chiqqan bo‘lsa, 45-daqiqada Jub Bellingemning goli hisobni yiriklashtirdi.
Ikkinchi bo‘limning 59-daqiqasida “Mamelodi Sandauns” futbolchisi Huliso Mudau o‘z darvozasiga to‘p kiritib qo‘ydi – 1:4. Oradan 3 daqiqa o‘tar-o‘tmas Ikram Reyners hisobni biroz qisqartirdi. 90-daqiqaga kelib Lebo Motiba jamoasining uchinchi goliga mualliflik qildi. Yakuniy hisob – 3:4.
Ushbu g‘alabadan so‘ng dortmundliklar 4 ochko bilan guruhda peshqadam bo‘lib oldi. “Mamelodi Sandauns” esa 3 ochko bilan 2-pog‘onadan joy olgan.
Izoh (0)