Inson siydik rangini doim kuzatib borishi va bunga eʼtiborsiz bo‘lmasligi kerak. Chunki siydikdagi o‘zgarishlar juda og‘ir kasallikdan dalolat beradi. Bu haqda urolog Jamshid Narziqulov “Daryo”ga tushuntirish berdi.
-SWz302Zd.avif)
Siydik rangi to‘k sariq bo‘lsa
Siz kam suyuqlik isteʼmol qilyapsiz. Bu holatda organizmda suvsizlanish jarayoni kuzatilyapti. Bu yesa o‘z-o‘zidan buyraklarda tosh va tuzlar hosil bo‘lishiga olib keladi.
Shaffof va tiniq bo‘lsa
Siz meʼyoridan ortiqcha suyuqlik isteʼmol qilyapsiz. Bunday holatda kunlik suyuqlik miqdorini normaga keltirib olish kerak. Yaʼni kunlik suyuqlik miqdori 1,5-2,0 litrni tashkil etsin.
Qizil yoki pushti
Buyraklarda tosh ko‘chayotganidan dalolat beradi. Chuqurlashtirilgan tekshiruvlarda buyraklar shamollash qayd etilishi ehtimoli bor. Shuningdek, siydik yo‘llarida va siydik pufagida onkologik jarayonlar kuzatilayotgan bo‘lishi mumkin.
Sariq, somonrang
Bu norma hisoblanadi. Hech qanday xavotirga o‘rin yo‘q.
Izoh (0)