Yana bir hafta o‘z nihoyasiga yetdi. Deyarli barcha turk aktyor va aktrisalari asta-sekin suratga olish maydonchalariga qaytmoqda. Shu sababli bu gal dayjestda yangi va avvalgi loyihalar haqida ko‘plab ma’lumotlar o‘rin oladi.
Hande Erchel va Barısh Arduch koreys doramasi bo‘lgan “Ko‘z yoshlar malikasi”ning turkcha talqinida suratga tushishlari uchun qancha maosh olishlari ma’lum bo‘ldi
Hande Erchel va Barish Arduch turk kinosida eng yuqori maosh oladigan juftlikka aylangan. Yulduzlar tandemi uchun “Ko‘z yoshlar malikasi” doramasining remeykida ishlash uchinchi hamkorlik loyihasi bo‘ladi.
Mish-mishlarga ko‘ra, aktyor va aktrisa har bir qismi uchun 3,5 million turk lirasi (taxminan 86 ming dolllar) oladi. Eng muhimi, prodyuserlik kompaniyasining bunday saxiy sarmoyasi o‘zini oqlashi kerak. Aks holda, loyiha muddatidan oldin tugatilishi mumkin, bu esa kompaniya obro‘siga salbiy ta’sir ko‘rsatadi.
Kerem Bursinni “Yurak urishi” serialidagi partnyori bilan yoshidagi farq tufayli tanqid qilishdi
Kerem Bursin “Yurak urishi” serialida bosh rollardan birini ijro etdi, uning partnyori esa o‘zidan 15 yosh kichik bo‘lgan Lezgi Jo‘mert bo‘ldi.
Ammo internetda loyihaning dastlabki tizeri paydo bo‘lgach, turkiyalik aktyor hali ham oshiq qahramonlari rolini o‘ynashga intilayotgani uchun tanqidga uchradi, vaholanki u endi ota rolini ijro etishi kerak ekan. Biroq Kerem va Lizge bu mavsumda yosh farqi katta bo‘lgan yagona juftlik emas.
Misol uchun, Murat Yildirim bilan suratga tushadigan Jemre Baysal undan 20 yosh kichik, Onur Tuna bilan hamkorlik qilishi kutilayotgan Simay Barlas esa undan 14 yilga yosh.
“Olis shahar” ikkinchi mavsumining suratga olinishi sanasi ma’lum bo‘ldi
Internet manbalari xabar berishicha, ikkinchi mavsum ustidagi ishlar 2025-yil 24-avgustda Istanbulda boshlanadi. Shahardagi barcha zarur sahnalar suratga olib bo‘lingach, ijodiy guruh Mardin shahriga ko‘chib o‘tadi.
Demak, ikkinchi mavsumning birinchi qismi 2025-yil 22-sentyabrdan oldin efirga chiqmasligi aniq. Serialning internetda chiqish sanasi hali rasman e’lon qilinmagani bois, hozircha taxmin qilishdan boshqa iloj yo‘q.
“Hukmdor Usmon” seriali aktrisasi Yildiz Chag‘ri Atiqsoy Berk Oqtoyning birinchi nikohini buzganlikda ayblanmoqda
Berka O‘ktoyning xotini Yildiz Chag‘ri Atiqsoyga xiyonat qilgani haqidagi mish-mishlar tufayli matbuotda avj olgan janjal davom etmoqda. Endi esa jurnalistlar “Hukmdor Usmon” seriali yulduzini o‘z vaqtida hozirgi turmush o‘rtog‘ining oilasini buzganlikda ayblashmoqda.
Juftlikning shundoq ham murakkab vaziyatiga erkakning sobiq xotini Merve Sharapchiolu hal qiluvchi zarba berdi. U Berk bilan turmush qurganida uning xiyonatidan azob chekkanini aytib, Yildiz Chag‘ri Atiksoyga nisbatan ham shunday qilishi mumkinligini aytdi. Biroq Merve “raqibasi”ga achinmaydi: uning so‘zlariga ko‘ra, Berk aynan “Hukmdor Usmon” seriali yulduzi bilan 2016-yilda unga xiyonat qilgan ekan.
Aktyor bu ayblovni javobsiz qoldirmadi. U ijtimoiy tarmoqdagi shaxsiy sahifasida Yildiz bilan faqat Merveden ajrashgandan keyingina uchrasha boshlaganini yozib, uning da’volarini asossiz ekanligini ta’kidladi.
“Olis shahar” seriali yulduzi Yaren Guldiken o‘zining g‘alati mashg‘uloti bilan muxlislarni hayratda qoldirdi
Ma’lum bo‘lishicha, nozik va juda nafis ko‘ringan Yaren aslida milliy darajadagi bodibilderchi ekan. U o‘zining ijtimoiy tarmoqlardagi shaxsiy sahifasida sport faoliyati davomida qo‘lga kiritgan sovrinlari bilan bo‘lishdi.
Internetda “Ko‘z yoshlar malikasi” serialining kadr orti videolari tarqaldi
Hande Erchel turmushga chiqdi, afsuski, real hayotfa emas, balki Barish Arduch bilan birga koreys doramasi “Ko‘z yoshlar malikasi”ning turkcha remeykini suratga olish jarayonida. Ijtimoiy tarmoqlarda yulduzlarning muxlislari tomonidan suratga olingan video qizg‘in muhokama qilinmoqda. Unda suratga olish jarayonining bir qismini ko‘rish mumkin.
Aktrisaning muxlislari Hakan Sabanji sevgilisining nikoh libosidagi go‘zalligidan ilhomlanib, nihoyat unga turmush qurishni taklif etadi, degan umidda, ularga baxt tilashmoqda.
Izoh (0)