Daniya bosh vaziri Mette Frederiksen Isroil bosh vaziri Binyamin Netanyaxuni tanqid qilib, u “muammoga aylangani”ni ta’kidladi. Siyosatchiga ko‘ra, Isroil hukumati G‘azo urushida haddan oshmoqda.
Frederiksen uning mamlakati Isroilga Yevropa Ittifoqi doirasida bosim o‘tkazishni xohlashini, biroq hozircha barcha a’zo davlatlar ham buni qo‘llab-quvvatlamasligini ta’kidladi.
“Biz siyosiy bosim, sanksiyalar, isroillik ko‘chmanchilar, vazirlar yoki hatto Isroilning o‘zi ustidan ham choralar variantini ko‘rib chiqyapmiz. Savdo va ilmiy tadqiqot sohalarida ham cheklovlar bo‘lishi mumkin. Hech narsani istisno qilmaymiz”, dedi Frederiksen.
G‘azodagi vaziyat
Frederiksen G‘azodagi “dahshatli va fojiali” gumanitar inqiroz hamda bosib olingan G‘arbiy Sohildagi yangi posyolkalar uchun Isroilni keskin tanqid qildi.
G‘azo sog‘liqni saqlash idoralariga ko‘ra, Isroil hujumlari natijasida hozirga qadar 61 430 dan ortiq falastinlik halok bo‘lgan. Ularning asosiy qismi ayollar va bolalardir. Biroq qurbonlarning asl soni bundan ancha yuqori bo‘lishi mumkin. Boisi bedarak ketganlar va vayronalar ostida qolganlar bu hisobga kiritilmagan.
Izoh (0)