Angliyaning “Liverpul” klubi yozgi transfer oynasida “Nyukasl Yunayted” hujumchisi Aleksander Isakni o‘z safiga qo‘shib olishni istamoqda. Bu haqda insayder Florian Pletternberg ijtimoiy tarmoqdagi sahifasida xabar berdi.
Manbaga ko‘ra, mersisaydliklar 25 yoshli shvetsiyalik futbolchi uchun dastlabki taklifni tayyorlamoqda. Transfer summasi 100-120 million yevro atrofida bo‘lishi kutilmoqda. Ta’kidlanishicha, ikki klub o‘rtasida muzokaralar allaqachon boshlangan. Agar muzokaralar ijobiy yakunlansa, bu ingliz klubi tarixidagi eng yirik transferlardan biriga aylanadi.
Ma’lumot uchun, Isak o‘tgan mavsum barcha musobaqalar doirasidagi 42 ta o‘yinda maydonga tushib, 27 ta gol va 6 ta golli uzatma muallifiga aylangan. Uning “Nyukasl” bilan amaldagi shartnomasi 2028-yilning iyun oyi oxirigacha mo‘ljallangan. Transfermarkt portali Aleksander Isakning qiymatini 120 million yevroga baholanmoqda.
Izoh (0)