Beyonsening nashr etilmagan musiqasi yozilgan fleshkalar uning xoreografi Kristofer Grant va raqqosa Diandra Bludan o‘g‘irlab ketilgan. Bu qo‘shiqchining Atlantadagi Cowboy Carter gastrolidagi konsertidan 48 soat oldin sodir bo‘ldi, deb xabar beradi Variety.
Nashr ma’lumotlariga ko‘ra, ijaraga olingan mashinada avval chop etilmagan musiqa, shuningdek konsert rejalari va shou dasturlari yozilgan fleshka bo‘lgan. Noma’lum shaxs avtomobilga kirib, Beyonsening xoreografi va raqqosasiga tegishli shaxsiy buyumlarni: kiyim-kechak, dizaynerlik quyosh ko‘zoynagi, noutbuklar va quloqchinlar bilan birga fleshkani o‘g‘irlab ketgan.
Qo‘shiqchining xoreografi politsiyaga murojaat qilgan. Mahalliy huquq-tartibot idoralari xodimlari allaqachon surishtiruv ishlarini boshlab yuborgan: “Qurilmani top” funksiyasi yordamida ular quloqchinlarning so‘nggi joylashuvini va jinoyatchining ehtimoliy joylashuvini aniqlashga muvaffaq bo‘lgan. Politsiya gumonlanuvchini hibsga olish uchun order ham olgan.
Izoh (0)