40 yoshli Skarlett Yoxansson kino tarixidagi eng kassabop Gollivud aktrisasiga aylandi, deya xabar berdi The Wrap. Uning ishtirokidagi filmlar jahon prokatida 14,8 milliard dollar daromad keltirdi.
8,7 milliard dollardan ortiq mablag‘ — Marvel’ning “Qasoskorlar” turkumidagi to‘rtta filmi va yana bir superqahramonlik loyihasi — “Birinchi qasoskor: qarama-qarshilik” filmlaridan kelgan. Ushbu filmlarda Yoxansson Natasha Romanoff rolini ijro etgan.
Bundan oldin rekord Marvel filmlarida (“Maxfiy bosqin”, “Kapitan Marvel 2”) suratga tushgan Samyuel L. Jeksonga tegishli edi. Uning ishtirokidagi kinokartinalar prokatda 14,6 milliard dollar yig‘gan.
Gollivudning eng yuqori daromad keltirgan aktyorlari beshligiga Yoxanssonning Marvel superqahramonlari bo‘yicha yana bir nechta hamkasblari kiradi — bular kichik Robert Dauni. (“Temir odam,” “Qasoskorlar: cheksizlik jangi”) va Kris Pratt (“Galaktika qo‘riqchilari”). Aktrisa dinozavrlar haqidagi yangi film — “Yura davri dunyosi: uyg‘onish” bilan rekord o‘rnatdi, u prokatning dastlabki olti kunida 318 million dollar daromad keltirdi. Ushbu filmda Yoxansson hali ham ulkan sudralib yuruvchilar yashaydigan orollardan biriga ekspeditsiyaga borgan sobiq harbiy Zora Bennet obrazida namoyon bo‘ldi.
Izoh (0)