AQSH prezidenti Donald Tramp 2026-yilda Oq uy hududida UFC jangi o‘tkazilishini ma’lum qildi. Bu haqda Fox News xabar berdi.
Tramp jangning aynan qachon bo‘lib o‘tishi va unda kimlar ishtirok etishi haqida aniqlik kiritmadi.
Biz UFC jangini... Oq uy hududida o‘tkazamiz. U yerda katta yer bor. Biz kichik bir (jang maydoni) quramiz — yo‘q, buni Dana (UFC rahbari Dana Uayt) qiladi... Chempionlik jangi, to‘liq turnir, taxminan, 20–25 ming kishiga mo‘ljallangan bo‘ladi. Buni 250 yillik bayram doirasida o‘tkazamiz, degan Tramp 2026-yilda nishonlanadigan Mustaqillik kuni tantanalarini nazarda tutib.
UFC prezidenti Dana Uayt 2024-yilgi prezidentlik saylovlarida Trampni ochiq qo‘llab-quvvatlagan. Tramp esa uni yaqin do‘sti deb biladi. Siyosatchi UFC musobaqalariga muntazam ravishda tashrif buyuradi. U oxirgi marta iyun oyida Jersi shahrida o‘tgan turnirda qatnashgan edi.
Agar Tramp haqiqatan ham Oq uyda jonli UFC jangini o‘tkazsa, bu tarixda birinchisi bo‘ladi. Bu uning 2026-yilgi America250 bayrami doirasida prezidentlik an’analarini yangilashga qaratilgan sa’y-harakatlari ramziga aylanadi.
Izoh (0)