AQSH prezidenti Donald Tramp o‘zining 2016- va 2024-yillardagi prezidentlik saylovlaridagi g‘alabalarini nishonlash maqsadida Victory 45–47 deb nomlangan yangi parfyumeriya to‘plamini namoyish qildi.
Atirlar erkaklar va ayollar uchun mo‘ljallangan bo‘lib, do‘konlarda 199 dan 249 dollargacha narxda sotuvga chiqarilgan. Flakon Trampning haykalchasiga o‘xshash dizaynda ishlab chiqilgan bo‘lib, qora (erkaklar uchun) va qizil (ayollar uchun) qutiga joylangan.
“Bu atirlar kuch va g‘alaba ramzidir. O‘zingiz uchun xarid qiling, yaqinlaringizga ham ulashishni unutmang. Uning iforidan bahramand bo‘ling va g‘alaba qozonishda davom eting!”, deb yozadi Tramp o‘zining Truth Social’dagi sahifasida.
Mazkur parfyumeriya liniyasi Trampning keyingi yillarda kengaytirayotgan shaxsiy brendi va tovar belgilarining navbatdagi mahsulidir. U ilgari ham Never Surrender deb nomlangan sport krossovkalari, God Bless the USA kitobi, Fight! Fight! Fight! deb nomlangan yana bir atir, shuningdek, futbolkalar, soatlar va boshqa predmetlarni sotuvga chiqargan edi.
Atir taqdimotidan biroz oldinroq Tramp NATO sammitida Niderlandiya bosh vaziri Mark Ryutte tomonidan daddy (dada) deb atalgan. Bu ibora ijtimoiy tarmoqlarda muhokamalarga sabab bo‘lib, Tramp ushbu hodisani tezda marketing imkoniyatiga aylantirgan va Daddy yozuvi tushirilgan futbolkalarni xayriya evaziga ($35) sotishni yo‘lga qo‘ygan.
Izoh (0)