AQSHning sobiq prezidenti, hozirda Respublikachilar partiyasidan davlat rahbari lavozimiga nomzod Donald Tramp yengil vaznda sobiq UFC chempioni Habib Nurmagomedovga Falastindagi urushni to‘xtatishga va’da berdi.
-b4EmET7D.jpg)
Rossiyalik jangchi va amerikalik siyosatchi joriy yilning 2-iyunida AQSHda bo‘lib o‘tgan UFC 302 turnirida suhbatlashdi. Kechaning asosiy bahsida Islom Maxachev yengil vazn toifasida uchinchi marta chempionlik unvonini himoya qildi va 5-raundda Dastin Poryeni mag‘lub etdi. Keyinroq ijtimoiy tarmoqlarda Nurmagomedov va Trampning arena yonidagi suhbati aks etgan video paydo bo‘ldi.
“Bilaman, siz Falastin urushini to‘xtatasiz”, — dedi Habib.
“Biz buni to‘xtatamiz. Men buni to‘xtataman”, — deb javob berdi AQSH sobiq prezidenti.
Tramp 2023-yilda Nurmagomedovni “fantastik jangchi” deb atagan va uning oktagonga qaytish ehtimoli haqida UFC rahbari Dana Uaytdan so‘ragan.
Nurmagomedov 2023-yil yanvarida MMAdan butunlay voz kechganini aytgan edi.
Eslatib o‘tamiz, Habib Nurmagomedov 2020-yilning kuzida professional faoliyatini yakunlagan edi.
Izoh (0)