Xiaomi texnologik giganti o‘zining birinchi robot-itini taqdim etdi. Unga CyberDog nomi berilgan, deb yozadi Meduza.
CyberDog Nvidia’ning avtonom qurilmalar uchun mo‘ljallangan Jetson Xavier NX moduli bilan jihozlangan. Kompaniya uni “sun’iy intellektga ega eng mitti superkompyuter” deb atamoqda.
Og‘irligi uch kilogramm keladigan robot-it soniyasiga uch metr tezlikda harakatlanishga qodir va yarim avtonom rejimda harakatlanish imkonini beradigan sensor hamda kameralar bilan jihozlangan.
CyberDog’ni maxsus dastur yordamida boshqarish mumkin. Robot atrofdagi vaziyatni tahlil qiladi, marshrutlarni yaratadi, belgilangan joyni aniqlaydi va to‘siqlardan qochadi.
Bu hali hammasi emas. CyberDog, shuningdek, quyidagi vazifalarni ham uddalay oladi:
- ovozga javob qaytarish;
- o‘z egasining ortidan yurish;
- “panja”sini uzatish;
- orqaga salto otish.
CyberDog Boston Dynamics’ning mashhur Spot robotidan ancha yengil va sekinroq harakat qiladi. Va undan sezilarli darajada arzon.
Izoh (0)