Anvar O‘rmonov Toshkent shahar prokurori vazifasini bajaruvchi etib tayinlandi.
U 2023-yildan buyon Toshkent shahar prokurorining birinchi o‘rinbosari lavozimida ishlab kelayotgandi. Undan avval Shayxontohur va Sergeli tumanlariga prokurorlik qilgan.
Bosh prokuratura matbuot xizmatining xabar qilishicha, Toshkent shahrida 15-iyuldan 15-avgustga qadar “Xavfsiz va sog‘lom poytaxt” nomi ostida jinoyatchilik va huquqbuzarliklarga qarshi kurash oyligi doirasida profilaktik tadbirlar o‘tkazilishi belgilandi. Shu munosabat bilan, shahar prokurori vazifasini bajaruvchi Anvar O‘rmonov amalga oshirilishi lozim bo‘lgan vazifalarni belgilab berdi.
2023-yil yanvardan poytaxt prokurori lavozimida ishlab kelgan Erkin Yo‘ldoshev 2025-yil 14-iyul kuni Prezident administratsiyasi Komplayens xizmati boshlig‘i lavozimiga tayinlangandi.
Izoh (0)