“Inter” jamoasi murabbiyi Simone Inzagi Saudiya Arabistonining “Al-Hilol” jamoasi bilan kelishuvga erishdi. Bu haqda taniqli insayder Fabritsio Romano xabar berdi.
Maʼlum qilinishicha, 49 yoshli mutaxassis yangi mavsumdan “Al-Hilol”ni boshqaradi. U Riyod klubida yiliga 26 mln dollar maosh oladi.
Shartnoma 2027-yilning iyuniga qadar amal qiladi. Inzagi ushbu jamoadagi debyutini 18-iyun kuni klublar o‘rtasidagi Jahon Chempionati doirasida “Real”ga qarshi o‘tkazadi.
Maʼlumot uchun, Simone “Inter” bosh murabbiyi sifatida ikki bor Chempionlar Ligasi finaliga chiqdi. Shuningdek, 2024-yili A Seriya, ikki bor Italiya kubogi va ikki marta superkubokni qo‘lga kiritdi.
Izoh (0)