Futbol bo‘yicha Italiya A Seriyasining 33-turida “Inter” 22-aprel, dushanba kuni “Milan”ga qarshi bahs olib bordi.
Uchrashuvning 18-daqiqasida Franchesko Acherbi hisobni ochishga muvaffaq bo‘ldi. Birinchi bo‘lim “nerazzuri”ning kichik ustunligi bilan yakunlandi.
Ikkinchi bo‘lim boshida “Inter” futbolchisi Markus Tyuram hisobni ishonchli ko‘rinishga olib keldi. 80-daqiqada Tomori hisobni qisqartirishga muvaffaq bo‘ldi. Qolgan daqiqalarda darvozalar daxlsiz qoldi va “Inter” ushbu uchrashuvda 3 ochkoni o‘ziniki qildi.
Shu tariqa Simone Inzagi shogirdlari ochkolari sonini 86 taga yetkazdi va Italiya chempionligini qo‘lga kiritdi. Bugungi o‘yinda mag‘lubiyatga uchragan “Milan” 2-o‘rinda va uning hisobida 69 ochko mavjud.
A Seriya
33-tur bahsi
22-aprel, dushanba
“Milan” — “Inter” 1:2
Gollar: 0:1 – 18 Acherbi, 0:2 – 49 Tyuram, 1:2 – 80 Tomori.
“Milan”: Menyan, Kalabriya, Tomori, Gabbiya, Ernandes, Loftus-Chik (Chukvueze, 68), Pulishich, Adli (Bennaser, 68), Reynders (Jiru, 52), Musa (Okafor, 77), Rafael Leau.
“Inter”: Zommer, Darmian (Dumfris, 84), Acherbi, Pavar, Bastoni, Dimarko (Karlos Augusto, 78), Mxitaryan, Chalhano‘g‘lu (Aslani, 84), Barella (Frattezi, 77), Tyuram, Martines.
Ogohlantirishlar: Barella (22), Martines (32), Ernandes (36).
Chetlatishlar: Dumfris (90+3), Ernandes (90+3), Kalabriya (90+7).
Izoh (0)