“Inter” bosh murabbiyi Simone Inzagi 2023—2024-yilgi mavsumida A Seriyaning “Eng yaxshi murabbiyi” sovrinini qo‘lga kiritdi. Bu haqda Italiya chempionati matbuot xizmati X (sobiq Twitter) ijtimoiy tarmog‘ida xabar berdi.
Ma’lumot uchun, “Inter” rahbariyati jamoa bosh murabbiyi Inzagiga shartnomani yana bir mavsumga uzaytirish imkoniyati bilan ikki yilga uzaytirishni taklif qilishga qaror qilgan.
Simonening amaldagi shartnomasi 2025-yilning yozida yakuniga yetadi.
Italiyalik mutaxassis 2021-yilning yozidan buyon “Inter” bosh murabbiyi lavozimida ishlab kelmoqda. Joriy mavsumda uning qo‘l ostida “neradzurrilar” Italiya chempioni bo‘ldi.
Avvalroq Inzagi professional murabbiylik faoliyati davomida Rimning “Latsio” klubida ishlagan.
Izoh (0)