A Seriya. “Inter” turning markaziy o‘yinida “Yuventus” ustidan kichik hisobda g‘alaba qozondi

Futbol bo‘yicha Italiya A Seriyasining 23-turidan o‘rin olgan o‘yinda “Inter” 4-fevral, yakshanba kuni “Yuventus”ga qarshi bahs olib bordi.

Uchrashuvning 37-daqiqasida turinliklar futbolchisi Federiko Gatti avtogol muallifiga aylandi va “Inter”ning hisobni ochishiga sababchi bo‘ldi. Qolgan daqiqalarda esa darvozalar daxlsizligi saqlanib qolib, “nerazzuri” kichik hisobdagi g‘alabani rasmiylashtirdi.

Ushbu g‘alabadan so‘ng “Inter” ochkolari sonini 57 taga yetkazdi va 1-o‘rinni mustahkamladi. “Yuventus” esa 53 ochko bilan 2-o‘rinda bormoqda.

A Seriya

23-tur bahsi

4-fevral, yakshanba

“Inter” – “Yuventus” 1:0

Gol: 1:0 – 37 Gatti (avtogol).

“Inter”: Zommer, Darmian (Dumfris, 73), Acherbi, Pavar, Bastoni (de Vrey, 89), Dimarko (Karlos Augusto, 73), Mxitaryan, Chalhano‘g‘lu, Barella (Klassen, 89), Tyuram (Arnautovich, 77), Martines.

“Yuventus”: Shensni, Kambyazo (Miretti, 88), Danilo, Bremer, Gatti (Aleks Sandro, 88), Alkaras, Kostich (Vea, 66), Rabyo, Lokatelli, Makkenni, Yildiz (Kyeza, 66), Vlahovich.

Ogohlantirishlar: Vlahovich (18), Danilo (32), Mxitaryan (51), Tyuram (77), Inzagi (79), Bremer (88).