Toshkentdan Moskvaga uchadigan reys o‘zgartirilgan jadval asosida amalga oshiriladi, deb xabar bermoqda Uzbekistan Airways.
Ma’lum qilinishicha, samolyotning kechikib yetib kelgani sababli 2025-yil 7-maydagi HY601/602 reysi Toshkent–Moskva (Domodedovo–Toshkent yo‘nalishi o‘zgartirilgan jadval asosida amalga oshiriladi:
- Toshkentdan jo‘nash: 7-may, soat 22:40. Domodedovoga yetib borish: 8-may, soat 00:50 (mahalliy vaqt)
- Domodedovodan jo‘nash: 8-may, soat 02:00. Toshkentga yetib borish: 8-may, soat 07:45 (mahalliy vaqt)
Aviakompaniya noqulayliklar uchun uzr so‘radi.
Bundan avval O‘zbekistondan Moskvaga uchgan ikki aviareys boshqa aeroportlarga yo‘naltirilgani haqida xabar berilgandi. Shuningdek, havo kemasining kech kelishi munosabati bilan Toshkent—Antaliya—Toshkent HY3223/3224 yo‘nalishi bo‘yicha parvoz o‘zgartirilgan jadval bo‘yicha amalga oshirilgani haqida xabar berilgandi.
Izoh (0)