Rossiyada qiyin ahvolda qolgan ayol ikki nafar farzandi bilan O‘zbekistonga qaytarildi. Bu haqda Tashqi mehnat migratsiyasi agentligi xabar bermoqda.
Ma’lum qilinishicha, K.N. 2021-yilda Rossiyaga vaqtinchalik mehnat faoliyatini amalga oshirish uchun borgan. 2022-yilda og‘ir kasallikka chalinib, mehnatga layoqatsiz bo‘lib qolgan.
Tashqi mehnat migratsiyasi agentligining Tula shahridagi vakilligi sa’y-harakatlari va Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi mablag‘lari hisobidan shifoxonada jarrohlik amaliyotini o‘tkazgan.
Shuningdek, Moskva—Termiz yo‘nalishidagi aviareys orqali ikki nafar farzandi bilan O‘zbekistonga qaytarilgan.
Bundan avval Sankt-Peterburgda og‘ir kasallikka chalingan O‘zbekiston fuqarosi oilasi bilan vatanga qaytarilgani haqida xabar berilgandi.
Izoh (0)