Texnik ishlar bajarilishi va havo kemasi rejalashtirilgan vaqtda uchishga tayyor emasligi munosabati bilan Toshkentdan Nyu-Yorkka uchishi kerak bo‘lgan aviareys kechiktirildi. Bu haqda Uzbekistan Airways matbuot xizmati xabar berdi.
Qayd etilishicha, faqat 28-dekabr kuni HY101/102 Toshkent—Nyu-York—Toshkent yo‘nalishi bo‘yicha qatnov 6 soat-u 20 daqiqaga kechiktirilib, o‘zgartirilgan jadvalga muvofiq amalga oshiriladi:
HY101 qatnovi
- Toshkentdan jo‘nab ketish soat 13:00 da, mahalliy vaqt
- Nyu-Yorkga yetib kelish soat 16:10 da, mahalliy vaqt
HY102 qatnovi
- Nyu-Yorkdan jo‘nab ketish soat 17:45 da, mahalliy vaqt
- Toshkentga yetib kelish soat 15:45 da (ertasi kuni), mahalliy vaqt
“Aviakompaniyaning texnik xizmati mutaxassislari havo kemasini rejalashtirilgan parvozga tayyorlash bo‘yicha barcha zarur ishlarni olib bormoqda. Noqulayliklar uchun uzr so‘raymiz”, — deyiladi xabarda.
Avvalroq UTair aviakompaniyasining Moskva—Toshkent yo‘nalishi bo‘yicha parvozi 12 soatdan ko‘proqqa, Toshkent—Jidda yo‘nalishidagi parvoz esa 7 soatdan ko‘proqqa kechiktirilgani to‘g‘risida xabar berilgandi.
Izoh (0)