Toshkentdagi mehmonxonada vafot etgan ikki nafar rossiyalik, jumladan, jurnalist Inessa Papernaya jasadi 23-oktyabr kuni Rossiyaga qaytarildi. Bu haqda bosh prokuratura “RIA Novosti” agentligiga xabar berdi.
Mehmonxonada noma’lum modda bilan zaharlanish oqibatida rossiyalik jurnalist Inessa Papernaya va uning hamrohi vafot etgan, yana bir xonadan O‘zbekiston fuqarosi jasadi topilgan. Holat yuzasidan jinoyat ishi qo‘zg‘atilgan, tergov harakatlari olib borilmoqda. O‘lim sababini aniqlash uchun sud-tibbiy ekspertiza tayinlangan.
Mehmonxonada vafot etgan ikki nafar rossiyalikning jasadlari soat 10:00 da Toshkentdan Rossiyaga aviareys bilan jo‘natildi, deydi prokuratura vakili.
Avvalroq Baza internet nashri “Lenta” nashri va “Profil” jurnalida ishlagan Inessa Papernaya O‘zbekistonga ta’tilga kelgani haqida xabar bergandi. 20-oktyabr kuni kechqurun Toshkentdagi Karaman Palace mehmonxonasi xodimlari Papernaya va hamrohining jasadlarini o‘z xonasida hayot belgilarisiz topgan. Dastlabki ma’lumotlarga ko‘ra, o‘lim basseyn tozalangandan so‘ng mehmonxona ventilyatsiya tizimiga tushgan gazdan zaharlanishdan kelib chiqqan.
Izoh (0)