Ucell uyali aloqa operatori “INNOPROM. Markaziy Osiyo” xalqaro sanoat ko‘rgazmasining beshinchi yubiley sonida ishtirok etdi. Kompaniya yirik korporativ mijozlar uchun innovatsion yechimlarni namoyish etdi. Ular qatoriga skoring tizimi, xodimlarni nazorat qilish, Ucellʼning maʼlumotlarni qayta ishlash markazi, buyumlar internet, bulutli texnologiyalar, biznesning raqamli transformatsiyasi hamda 5G yuqori tezlikdagi internet xizmatlari kiradi.
Kompaniya Bosh direktori Andrey Shishkovskiy shunday deydi:
“Biz mamlakat raqamli iqtisodiyotini rivojlantirish yo‘lida innovatsion yechimlar orqali texnologik yetakchilikka intilmoqdamiz. Ushbu ko‘rgazma “noanʼanaviy telekom” yechimlarini namoyish etish: banklar va mikrokredit tashkilotlari uchun skoringdan tortib, katta hajmdagi maʼlumotlar bilan ishlashgacha bo‘lgan keng ko‘lamli B2B xizmatlarini ko‘rsatish imkonini beradi”.
Ucell INNOPROM ko‘rgazmasida biznes uchun yuqori tezlikdagi internetni taʼminlovchi noyob yechimni taqdim etdi. Taklif etilayotgan to‘plamga 5G router va “Cheksiz” tarif rejasi kiradi. Ushbu yechim 120 metr radiusda internet tarqatish imkonini beradi va bir vaqtning o‘zida 64 tagacha qurilmani qo‘llab-quvvatlaydi. Bu esa biznesning ortib borayotgan ehtiyojlariga to‘liq javob beradi.
10 milliondan ortiq mobil abonentlari bilan Ucell O‘zbekiston telekommunikatsiya bozorida yetakchi o‘rinni egallaydi. Kompaniya mamlakatdagi yetakchi korxonalar bilan muvaffaqiyatli hamkorlik qilib, ularning raqamli transformatsiyasini ilgari surishda zamonaviy yechimlar bilan taʼminlab kelmoqda.
Speedtest Intelligence xalqaro kompaniyasi Ookla maʼlumotlariga ko‘ra, Ucell 2024-yil yakunlariga ko‘ra O‘zbekistonda mobil internet tezligi bo‘yicha yetakchi deya eʼtirof etildi.
Reklama huquqi asosida.
Izoh (0)