O‘zbekistonning ayrim hududlarida harorat 37 darajagacha ko‘tariladi

“O‘zgidromet” O‘zbekistonda 15-17-aprel kunlari ob-havo qanday bo‘lishi haqida maʼlumot berdi. Qashqadaryo va Surxondaryoda harorat 38 darajagacha ko‘tarilishi prognoz qilinmoqda.

Qoraqalpog‘iston respublikasi va Xorazm viloyatida havo biroz bulutli bo‘ladi, 15-aprelda yog‘ingarchilik kutilmaydi, 16-17-aprelda ba’zi joylarda biroz qisqa muddatli yomg‘ir yog‘ishi, momaqaldiroq bo‘lishi mumkin. Shamol g‘arbdan 7-12 m/s tezlikda esadi, ba’zi joylarda 15-20 m/s gacha kuchayishi mumkin.

• Harorat kechasi 8-13 daraja, kunduzi 15-aprelda 20-25 daraja, 16-17-aprelda esa 18-23 daraja iliq bo‘ladi.

Buxoro va Navoiy viloyatlarida havo biroz bulutli bo‘ladi, 15-aprelda yog‘ingarchilik kutilmaydi, 16-17-aprelda ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Shamol g‘arbdan 
7-12 m/s tezlikda esadi, ba’zi joylarda 15-20 m/s gacha kuchayishi mumkin.

• Harorat 15-16-aprelda kechasi 13-18 daraja, kunduzi 25-30 daraja iliq, 17-aprelda kechasi 10-15 daraja, kunduzi 20-25 daraja iliq bo‘ladi.

Toshkent, Sirdaryo, Jizzax va Samarqand viloyatlarida havo biroz bulutli bo‘ladi, 15-aprelda yog‘ingarchilik kutilmaydi, 16-17-aprelda ba’zi joylarda yomg‘ir yog‘ishi, momaqaldiroq bo‘lishi mumkin. Shamol g‘arbdan 7-12 m/s tezlikda esadi, keyingi kunlari ba’zi joylarda 15-20 m/s gacha kuchayishi mumkin.

• Harorat 15-aprelda kechasi 12-17 daraja, kunduzi 24-29 daraja, 16-17-aprelda esa kechasi 10-15 daraja, kunduzi 20-25 daraja iliq bo‘ladi.

Qashqadaryo va Surxondaryo viloyatlarida havo biroz bulutli bo‘ladi, 15-aprelda yog‘ingarchilik kutilmaydi, 16-17-aprelda ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. g‘arbdan shamol 7-12 m/s tezlikda esadi, kelgusi kunlarda ba’zi joylarda 15-20 m/s gacha kuchayishi mumkin.

• Harorat 15-16 aprelda kechasi 15-20 daraja, kunduzi 32-37 daraja issiq, 17-aprelda kechasi 12-17 daraja, kunduzi 27-32 daraja bo‘ladi.

Andijon, Namangan va Farg‘ona viloyatlarida havo biroz bulutli bo‘ladi, 15-aprelda yog‘ingarchilik kutilmaydi, 16-17-aprelda ba’zi joylarda biroz yomg‘ir yog‘ishi, momaqaldiroq bo‘lishi mumkin. Shamol g‘arbdan 7-12 m/s tezlikda esadi, kelgusi kunlarda 13-18 m/s gacha kuchayishi mumkin.

• Harorat 15-16-aprelda kechasi 12-17 daraja, kunduzi 23-28 daraja iliq, 17-aprelda kechasi 10-15 daraja, kunduzi 22-27 daraja bo‘ladi.

Respublikaning tog‘ oldi va tog‘li hududlarida ham havo biroz bulutli bo‘ladi, vaqti-vaqti bilan qisqa muddatli yomg‘ir yog‘adi. 17-aprelda ayrim joylarda kuchli bo‘lishi, momaqaldiroq kuzatilishi mumkin. Shamol g‘arbdan 7-12 m/s tezlikda esadi, ba’zi joylarda 15-20 m/s gacha kuchayishi mumkin.

• Harorat 15-aprelda kechasi 5-10 daraja, kunduzi 13-18 daraja iliq, 16-17-aprelda esa 10-15 daraja bo‘ladi.