AQSH mudofaa vaziri Pit Hegset Pentagonning harbiy bo‘lmagan xodimlari sonini qisqartirishga qaror qildi. Bu haqda Bloomberg xabar bermoqda.
Agentlikka ko‘ra, Pentagon o‘z xodimlari sonini 5 foizdan 8 foizgacha qisqartirish rejalari haqida joriy yilning fevral oyidayoq ma’lum qilgan. Bu AQSH prezidenti Donald Trampning federal hukumat xarajatlarini qisqartirish kampaniyasiga mos keladi.
Hozirda Pentagon tarkibida taxminan 950 ming noharbiy xodim ishlaydi. Bu esa ularning 76 mingga yaqini ishdan bo‘shatilishi mumkinligini anglatadi. Biroq hozircha qisqartirishlar qancha xodimni qamrab olishi noma’lum.
Pentagon rahbari tomonidan imzolangan memorandumda harbiy bo‘lmagan xodimlarga kechiktirilgan iste’foga chiqish yoki ixtiyoriy ravishda nafaqaga ketish imkoniyatini berish bo‘yicha dastur taklif etilgan. Shuningdek, u o‘z qo‘l ostidagi rahbarlarga 11-aprelga qadar bo‘limlarning “kelajakdagi tashkiliy tuzilish rejasini” taqdim etishni buyurdi.
Avvalroq Pit Hegset AQSH Mudofaa vazirligi va qurolli kuchlarining yuqori rahbariyatiga besh yillik mudofaa byudjeti rejasini ishlab chiqish bo‘yicha topshiriq bergan edi.
Izoh (0)